Putin Suriyadan niyə çəkildi?
Rusiya prezidenti Putin ordusunun Suriyadan çəkilməsi haqqında qərar qəbul edib.
Ölkə.az xəbər verir ki, son aylar Suriyada möhkəmlənən Rusiyanın qəflətən belə bir qərar qəbul etməsi fərqli fikirlərin və iddiaların ortaya atılmasına səbəb olub.
ABŞ mediasında Putinin bu müəmmalı qərarı açıq şəkildə müzakirə olunmasa da, amerikalı siyasətçilərin bəziləri Moskvanın bu addımını şərh ediblər.
Rusiyaya qarşı həmişə radikal mövqeyi ilə seçilən senator Makkeyn Putinin gücünü və enerjisini başqa istiqamətə yönəldəcəyini bildirib.
Amerikalı senator yazın gəlməsi ilə Kremlin Ukraynadakı qanlı planını yenidən həyata keçirəcəyini bildirib. O, Putinin Suriyadan çəkilmə qərarını bununla əlaqələndirib və ABŞ administrasiyasını Kiyevə əlindən gələn köməyi etməyə çağırıb.
