Qatar relsdən çıxdı- 11 yaralı
İsveçrədə qatar relsdən çıxaraq qəzaya uğrayıb, bir neçə avtomobil meşədəki ağaclara çırpılıb
Polislərin "SWI" xəbər agentliyinə verdiyi məlumata görə, Sankt-Moritsdən İsveçrənin şərqindəki Kur şəhərinə gedən qatar torpaq sürüşməsi nəticəsində relsdən çıxıb.
Polislər 3 avtomobilin qəzaya düşdüyünü, vaqonlardan birinin isə sıldırım yamacdan sürüşdüyünü bildiriblər.
İsveçrənin cənub-şərqi Qraubyunden əyalətinin polis nümayəndəsi Anita Sentinin sözlərinə görə, 5 nəfər ciddi xəsarət alıb, 6 nəfər isə yüngül zədələnib. Sərnişinlərin bəziləri vertolyotla xilas olunub. Qəza yerindən uzaqda olan hava qəza-xilasetmə xidməti də köməyə gəlib.
Bölgədə leysan yağışlardan sonra baş verən qəza vaxtı qatarda 200-ə yaxın sərnişin olub. Qatar İsveçrənin dağlıq cənub-şərq bölgəsində dar relsli yollarda sərnişin daşınmanı həyata keçirən "Rhaetische Bahn" şirkətinə məxsus olub. (qafqazinfo.az)
Ölkə.Az
Ölkə.Az
