Gürcüstanda kütləvi həbslər başladı
Gürcüstanın baş prokurorluğu məmurlar arasında həbslərə başlayıb.
Ölkə.az xəbər verir ki, internetə yerləşdirilmiş intim videolara görə Gürcüstanda 5 nəfər həbs olunub. Həbs olunanlardan ikisi Gürcüstan DİN-in konstitusiya təhlükəsizliyi departamentinin yüksək vəzifəli məmurlarıdır. Məlumata görə, məhz bu departament siyasətçiləri izləmiş, dinləmiş və onlar haqqında kompromat toplamışdı.
Gürcüstan prokurorluğunun nümayəndəsi Nikolaz Kaçitadzenin sözlərinə görə internetdə yerləşdirilmiş videolar Saakaşvilinin prezidentliyi dönəmində çəkilib və onların indi ortaya atılması mövcud hakimiyyəti xalqın gözündən salmaq məqsədi ilə edilib.
Gürcüstan prokurorluğunda "şəxsi həyata müdaxilə" maddəsi ilə cinayət işi başlanıb.
Qeyd edək ki, bu videolar 11 mart tarixində "YouTube" videopaylaşım şəbəkəsinin serverindən silinib.
