Rusiya Suriyadakı əməliyyatlara nə qədər pul xərclədi?
Rusiyanın Suriyadakı hərbi əməliyyatlara nə qədər pul xərclədiyi haqda hesabat dərc olunub.
Ölkə.az xəbər verir ki, bu haqda məlumatı Putinin mətbuat xidmətinin rəhbəri Dmitri Peskov verib.
Onun sözlərinə görə, Rusiya aviasiyası əməliyyatın davam etdiyi 167 gün ərzində 9 min döyüş uçuşu keçirib. Əməliyyatlarda hücumçu Su-34, Su-24, Su-25 və Tu-160 strateji bombaqrdmançı təyyarələrindən istifadə olunub.
Bundan başqa Rusiyanın raket kreyserlərindən Suriyadakı hədəflərə "Kalibr" tipli raketlərdən zərbələr endirilib.
Peskov ümumilikdə əməliyyatlara 38 milyard rubl və ya 540 000 000 dollara yaxın pulun xərcləndiyini vurğulayıb.
Xatırladırıq ki, Putin 6 aya yaxın bir müddətdir ki, Suriyada Əsədin əleyhdarlarının mövqelərini bombalayan Rusiya aviasiyasının bu ölkəni qəflətən tərk etməsi haqda qərar qəbul etdi.
