Fransa və Britaniya İraqa silah göndərir

Fransa və Böyük Britaniya İraqa əlavə silah və humanitar yardım göndərməkdə razılıq əldə ediblər

Yelisey sarayı prezident Olland və Britaniya baş naziri Devid Kameronun telefon danışığını şərh edərkən yaydığı xəbərdə qeyd edir.

Fransa lideri və Britaniya hökümətinin başçısı “İraqda baş verən hadisələri qiymətləndirərəkən, bəzi regionlarda yaraqlıların irəliləməsinin qarşısı alınsa da, həlledici addımlara ehtiyac olduğunu” bildiriblər.

“Onlar gələcək fəaliyyətləri barədə razılığa iki yöndə gəliblər: humanitar yardımın çatdırılması və mülki vətəndaşlara dəstək, eləcədə yaraqlılara qarşı çıxan qüvvələrə silah-sursatın çatdırılması”- deyə Yelisey sarayının kommunikesində deyilir. Bu yöndə əlavə addımlar hər iki ölkə tərəfindən təxirə salınmadan atılacaq.

Paris və London digər AB ölkələrinin də onların başlatdığına qatılacaqlarına ümüd edir.

Qeyd edək ki, çərşənbə günü Fransua Olland administrasiyası “İslam dövləti” yaraqlılarına qarşı mübarizədə istifadə etmək üçün İraqa hərbi yardımın birinci partiyasını göndərəcəyi barədə qərar qəbul edib. 

Yelisey sarayı qeyd edir ki, bu tədbir Ollandala İraq Kürdüstanının lideri Məsud Barzani ilə keçən həftə baş tutan telefon söhbətində dilə gətirilib. 

“Fransa artıq “İslam dövləti” ilə mübarizəyə cəlb edilən qüvvələrin döyüş qabiliyyətinin artırılması yönündə ilk addımları atıb”- deyə kommunikedə deyilir.

Bundan əlavə Parisdə qeyd ediblər ki, Fransa artıq davam edəcək ilk humanitar yardımını da İraqa göndərib. Bu çərşənbə günü Ərbil şəhərinə yardımın ilk partiyası çatmalı idi.

Fransa KİV-in məlumatına görə yardıma tibbi avadanlıqlar, çadırlar və içməli suyun paylanması üçün vasitələr daxil olub./anspress/

Ölkə.Az