İstanbulda partlayış nəticəsində iki ABŞ vətəndaşı ölüb

İstanbulda ötən gün partlayış nəticəsində iki ABŞ vətəndaşı ölüb.

Ölkə.Az-ın APA-ya istinadən verdiyi xəbərə görə, bu barədə Ağ Evin nümayəndəsi Ned Prays deyib.
 
“Bu cəsarətsiz hücum nəticəsində ölənlərin arasında iki ABŞ vətəndaşı var”, -  deyə rəsmi nümayəndə bildirib.
 
Onun sözlərinə görə, ABŞ terror aktını pisləyir və ölənlərin ailələrinə başsağlığı verir.  “Türkiyə növbəti dəfə dəhşətli terror aktı ilə üzləşib. Biz NATO-dakı tərəfdaşımızı əzmkarlıqla dəstəkləyirik. Türkiyədə terror aktlarına son qoyulmalıdır”, - deyə Prays qeyd edib.  
 
Onun sözlərinə görə, ABŞ Türkiyə ilə sıx təmas quraraq terrorçuluğa qarşı birgə mübarizə aparacaq.

Ölkə.Az