Ay öz oxu ətrafından çıxıb

Amerikalı alimlərin Yerin təbii peyki Ayla bağlı apardığı araşdırmalar maraqlı nəticələr verib. Sən demə, Ay bir vaxtlar tamamilə fərqli ox ətrafında fırlanırmış. Zaman keçdikcə yerdən baxanda ayın fərqli üzü müşahidə olunmağa başlayıb.

Alimləri bu cür qənaətə gətirən səbəb, Ay üzərində  iki fərqli nöqtədəki buzlağa bənzər sahələrdir. Elm xadimləri həmin buzlaqların donmuş hidrogen olduğunu düşünür. Səma cisminin öz oxu ətrafında fırlanması nəticəsində yaranan bu cür sahənin sayının 2 olması  ayın fərqli dövrlərdə fərqli oxlar ətrafında dövrə vurduğuna işarədir.

Bəs görəsən ayı yerindən tərpədən nə olub? Alimlər buna, Prosellarum adı verilən vulkanik fəalliğın səbəb olduğunu düşünür. Seysmik fəallıq ayın fərqli qütbləri arasında ciddi temperatur disbalansı yaradıb. O ki qaldı ayın mövcud qütbündən aralı düşən buzlaqlara, onun indiyədək  necə mövcud olduğu qaranlıq olaraq qalır. Bəzi ehtimallar ayın bir vaxtlar asteroid zərbəsinə tuş gəldiyini də istisna etmir. (atv.az)