Ərdoğan: "Həddinizi bilin!"
Türkiyə prezidenti Rəcəb Tayyib Ərdoğan son aylar ölkəsində baş verən hadisələrdən danışıb.
Ölkə.az xəbər verir ki, Ərdoğan İstanbuldakı bəzi xarici ölkə konsullarını Türkiyəni qarışdırmaq cəhdlərində günahlandırıb və onlara xəbərdarlıq edib.
Hərbi Akademiyaları Komandanlığında çıxış edən Türkiyə prezidenti PKK-nın kökünün kəsiləcəyini bildirib.
PKK-ya yaxınlığı ilə bilinən bəzi hüquq müdafiəçiləri və jurnalistləri qızışdıran xarici ölkələrin İstanbul konsullarına Ərdoğan media vasitəsi ilə "Həddinizi bilin! Başqa ölkədə olsaydınız indi çoxdan sizi bu əməllərinizə görə qovmuşdular!", deyə mesaj göndərib.
Çıxışının sonunda Ərdoğan ölkənin şərq vilayətlərində PKK-ya qarşı aparılan antiterror əməliyyatlarında 5359 terrorçunun məhv edildiyini bildirib.
