Qətliam kimi qəza
Qvatemalanın qərbində sərnişin avtobusu dərəyə yuvarlanıb. Qəza zamanı 19 nəfər həlak olub. Ölənlər arasında hamilə qadın və bir yeniyetmə də var.
Ölkə.Az Report-a istinadən xəbər verir ki, yol-nəqliyyat hadisəsi ölkə paytaxtından təxminən 160 km qərbdə baş verib. Yüksək sürətlə hərəkət edən avtobus dərinliyi 200 metr olan dərəyə yuvarlanıb.
Hadisə nəticəsində həmçinin 20-25 nəfər yaralanıb. Bütün yaralılar xəstəxanaya çatdırılıblar.