Rusiya hərbi təyyarəsi Estoniyanı qorxuya salıb
Rusiya hərbi təyyarəsi qanunsuz olaraq Estoniyanın hava məkanına daxil olub.
Ölkə.az xarici mətbuata istinadən xəbər verir ki, bu barədə Estoniya ordusunun baş gərərgah rəisi açıqlama verib.
Açıqlamada bildirilir ki, Rusiyaya məxsus An-26 hərbi təyyarəsi saat 09:29 radələrində Fin körfəzindəki Vaindlu adası yaxınlarından Estoniyanın hava məkanına girib. Təyyarə bir dəqiqədən az müddətdə Estoniya ərazisində uçub və daha sonra bu ölkənin hava sahəsini tərk edib.
Hadisədən dərhal sonra Estoniyanın Xarici İşlər Nazirliyi Rusiya səfirini çağıraraq ona etiraz notası təqdim edib.
Qeyd edək ki, bundan öncə Rusiya hərbi təyyarələri son 1 il ərzində Danimarka, Polşa, İsveç, Türkiyə və Yaponiya kimi ölkələrin qanunsuz olaraq hava məkanına daxil olublar.
