Türkiyəyə gəlməkdən imtina edən rus turistləri kim əvəz edir?
Türkiyə statistika institutu turizm sektorundakı vəziyyəti araşdırıb.
Ölkə.az xəbər verir ki, Rusiya ilə Türkiyə arasındakı münasibətlərin gərginləşməsindən sonra turizm sektorunda ciddi geriləmə müşahidə olunur.
Ankara ilə Moskva arasındakı konfliktin nəticəsi olaraq Rusiyadan Türkiyəyə gələn turistlərin sayında 54% azalma qeydə alınıb. Türkiyəyə ən çox turist göndərən ölkə Almaniyadan isə bu il ərzində 6,8% az turist gəlib. İngilis turistlərin sayı 9,46%, ispan turistlərin sayı isə 33,31% azalıb.
Statistikaya görə, hər il Türkiyəyə gələn italyan turistlərin sayı 28,58, yuanların sayı isə 18,8% geriləyib. Fransız turistlərin sayı isə bu il keçən ilə nisbətən 6,71% azalıb.
Fevral ayının statistikasına görə, bir ay ərzində Türkiyəyə gələn turistlərin sayında ümumilikdə 10%-dən çox azalma müşahidə olunub.
Türkiyədə sayı artan turistlər isə iranlılar və Gürcüstan vətəndaşlarıdır. Statistikaya görə, 2015-ci ilin ilk 2 ayında İrandan Türkiyəyə 185 632 turist gəlmişdisə, 2016-cı ilin ilk 2 ayında bu rəqəm 217 222 nəfər olub. Keçən ilin analoji dövrü ilə müqayisədə Gürcüstandan Türkiyəyə gələn turistlərin sayı isə 23,91% artaraq 265 747 nəfər olub.
