Kerri Ərdoğanla görüşmək üçün Türkiyə səfirliyinə gəldi
Beynəlxalq nüvə təhlükəsizliyi sammitində iştirak etmək üçün Vaşinqtona gələn Türkiyə prezidenti Ərdoğan ABŞ-ın dövlət katibi Con Kerri ilə görüşüb.
Ölkə.az xəbər verir ki, 45 dəqiqə davam edən görüş Türkiyənin Vaşinqtondakı səfirliyinin rezidensiyasında baş tutub.
Görüşdə ABŞ tərəfdan Con Kerrinin bütün müavinləri, Türkiyə tərəfdən isə prezident Ərdoğanla birlikdə xarici işlər naziri Mövlüd Çavuşoğlu, enerji və təbii ehtiyatlar naziri Berat Albayrak və MİT müstəşarı Hakan Fidan da iştirak ediblər.
Görüş zamanı Yaxın Şərqdəki konfliktlər, Suriyadakı daxili müharibə, qaçqın problemi və qlobal terrorizm müzakirə olunub.
