Donetsk şəhəri tam mühasirəyə alındı

Ukrayna Silahlı Qüvvələri və digər hərbi birləşmələr şənbə günü – avqustun 9-da Luqansk vilayətində 125 minə yaxın əhalisi olan Krasnıy Luç şəhərini separatçılardan azad edib

Bununla da separatçıların əsas mərkəzi olan Donetsk şəhəri tam mühasirəyə alınıb. Donetsk yaxınlığında separatçıların əsas dayaq nöqtələrindən biri olan Qorlovka şəhəri də mühasirəyə düşüb.

Qondarma “Donetsk Xalq Respublikası”nın hərbi qüvvələrinin komandanı, Rusiya vətəndaşı İqor Girkin (Strelkov) məlumatı təsdiqləyib. “Kazaklar ənənəvi olaraq qaçdılar. Şəhərdə yalnız kiçik dəstə qalıb. Mənim dəfələrlə xəbərdarlıq etdiyim məsələ gerçəkləşdi. Donetsk-Qorlovka qoşun qruplaşmamız tam mühasirəyə alındı”, - deyə İ. Girkin bildirib.  

Hələlik Ukrayna tərəfi bu barədə hər hansı rəsmi açıqlama verməyib.

Qeyd edək ki, Krasnıy Luç şəhəri Donetsk şəhərindən Luqansk şəhərinə və Rusiya sərhədinə gedən yolda yerləşir və bu baxımdan çox əhəmiyyətli strateji mövqeyə malikdir./apa/

Ölkə.Az