Azərbaycanlılar Moskvada aksiya keçirdi

Son günlər cəbhə xəttində baş verənlərlə bağlı Rusiyada yaşayan həmvətənlərimiz də aksiya keçirib

Aksiya iştirakçıları prezident İlham Əliyevin siyasətini dəstəklədiklərini və Azərbaycan xalqı ilə həmrəy olduqlarını bildiriblər.

Azərbaycan Moskva Cəmiyyəti tərəfindən Azərbaycanın Rusiyadaki səfirliyi qarşısında təşkil edilən aksiyada 100-dən çox həmvətənimiz iştirak edirdi. Onlar Ermənistan ordusunun intensiv olaraq, atəşkəsi pozması və cəbhə xəttində törədilən təxribatları pisləyirdilər. Aksiya iştirakçıları Ali Baş Komandanın əmrilə vətənə qayıdıb işğal altındakı torpaqlarının azad olunması üçün savaşmağa hazır olduqlarını vurğuladılar.

Diaspor fəalı Oqtay Orucovun sözlərinə görə, ermənilərin vəhşiliyini qınayıram: “Bizim öz torpaqlarımızda əsgərlərimizə hücum eləyiblər. Mənim 60-a yaxın yaşım var. Mən öz komandamla, buradakı həmvətənlərimzlə hazırıq ki, hansısa bir əmr olsa, gedib can-başla toprağımızı qorumağa hazırıq”.

Qalib Məmmədov isə deyir ki, 500 nəfər insan bu günkü gün yaxınlaşıb bizə öz telefon nömrələrini saxlayıb. 500 nəfər öz torpaqlarımızı erməni ekstremistlərindən qorumaq üçün vətənə getməyə hazırdır. Bu siyahını mən bu gün səfirliyə təqdim edəcəm. Qoy Azərbaycanın Ali Baş Komandanı da bilsin ki, Rusiyada yaşayan azərbaycanlılar Azərbaycan dövlətiylə birdir və müharibə başlasa, hamımız orda iştirak edəcəyik”.

Aksiya iştirakçıları daha sonra Azərbaycan səfirliyinin nümayəndələrilə görüşdü. Müzakirələrdən sonra Moskva şəhərində yaşayan və səfərbərliyə hazır olan 500-dən artıq azərbaycanlı könüllünün siyahısı səfirliyə təqdim olundu. (ANS TV)

Ölkə.Az