Bu gün ABŞ ilə İran arasında görüş olacaq

Bu gün ABŞ-dan olan yüksək rütbəli məmurlar iranlı nümayəndələr ilə görüşəcək. 

Görüş İranın nüvə proqramı ilə bağlı olacaq və Cenevrədə baş tutacaq. 

Bu barədə ABŞ Dövlət Departamentinin rəsmi nümayəndəsi Meri Haff öz "Twitter" səhifəsində yazıb. 

Məlumata görə, Amerikadan olan heyətə dövlət katibinin müavini Uilyam Berns başçılıq edəcək. Onun tərkibinə həmçinin dövlət katibinin siyasi məsələlər üzrə müavini Uendi Şerman, vitse prezidentin milli əhlükəsizlik məsələləri üzrə müşaviri Cekob Sallivan da daxildir. /Anspress/

Ölkə.Az