Kürd liderdən ermənilərə dəstək
Türkiyənin Xalqların Demokratik Partiyasının (HDP) həmsədri Səlahəddin Dəmirtaş ermənilərin mövqeyini dəstəkləyən bəyanatla çıxış edib.
Ölkə.az-ın türk mediasına istinadən verdiyi xəbərə görə, PKK terror təşkilatının siyasi qanadı sayılan HDP-nin Parlamentdəki qrup toplantısında çıxış edən Səlahəddin Dəmirtaş cəbhə xəttində yaranan gərginliyə də münasibət bildirib.
O, Azərbaycanla Ermənistanın danışıqlar masasına oturmasının vacibliyini vurğulayaraq Türkiyə hakimiyyətini Qarabağ müharibəsini qızışdırmaqda ittiham edib.
"Türkiyə hökuməti bu yanğını körükləyir. Qarabağ muxtar bölgədir, orada yaşayan insanlar istədikləri kimi yaşamalıdırlar. Onların iradəsinə və hüquqlarına hörmət edilməlidir. Bu məsələ hərbi yolla yox, sülh yolu ilə həllini tapmalıdır. Hazırda Qafqazda yeni savaş bir qətliama səbəb ola bilər. Lütfən, bu savaşı dayandırın”.
