Ter-Tadevosyandan böyük etiraf
Erməni generalı Arkadiy Ter-Tadevosyan Ermənistan radiosuna müsahibə verib.
Ölkə.az xəbər verir ki, erməni general Azərbaycan ordusunun qarşısına qoyduğu məqsədə nail olduğunu bildirib.
"Mənim fikrimcə erməni KİV-ləri hadisələri düzgün işıqlandırmırlar. Azərbaycanın əsas məqsədi bizim qüvvələrimizin, qoşunlarımızın harada yerləşməsini, bizim imkanımızın nədən ibarət olduğunu öyrənmək idi. Onlar buna nail oldular. Bu döyüşlər həyata keçirilmiş bir kəşfiyyat idi. Onların sonrakı hədəfi - bütün əldə etdikləri bilgiləri analiz edərək ikinci addımı atmaqdır. Biz onların bu addımına cavab verə bilmədik", deyə erməni general məyusluq içərisində bildirib.
Xatırladırıq ki, Azərbaycan ordusu son 5 gündə Ermənistanın işğalçı qüvvələrinin Qarabağdakı mövqelərinə ağır zərbələr endirərək, bir neçə yaşayış məntəqəsini və strateji yüksəkliyi ələ keçirib.
