“Müharibəyə getsəm, məndən alçağı yoxdur”

Erməni gəncin etirafı: “Hərbi komissar hərbi bilet satır, polislər canımızı boğazımıza yığıb, kimdir müharibəyə gedən?”

Hollandiyada yaşayan soydaşımız Fikrət Hüseynli facebook sosial şəbəkəsində Ermənistanın bizimlə sərhəd kəndlərində hazırlanmış reportajı paylaşıb. Jurnalist F.Hüseynli ermənicə hazırlanmış reportajın müəyyən hissəsini dilimizə tərcümə edib.

Cəbhənin o tayından, Tovuz rayonunun Ağdam kəndilə qonşuluqda yerləşən keçmişdə azərbaycanlılar, indi ermənilər yaşayan Çinarlı kəndindən erməni jurnalist Tatul Akopyanın hazırladığı reportajı və tərcüməni oxuculara olduğu kimi təqdim edir:

“Çək qardaş mən deyəcəyəm. Zülm içindəyik, məmurların hamısı rüşvət alır. Hərbi komissar hərbi bilet satır. Yol polisləri, polislər canımızı boğazımıza yığıb. Kimdir müharibəyə gedən? Məni çağırsalar getsəm, məndən alçağı yoxdur. Adamları soymaq lazım olanda başımıza tökülürlər, amma elə ki, atışma oldu polis yoxa çıxır. Nə taxılımızı yığırıq, nə adam kimi yaşaya bilirik. Belə həyatın içini ….. Bura bax. Buğdaya bax. Quruyub tökülür. Kombayn tapılmır. Hamısı məhv olur gedir. Nə iş görək ? De görüm?”. (mediapost.az)