Paris və Belçika terrorunda şübhəli bilinən şəxs saxlanılıb
Paris terrorunda şübhəli bilinən Məhəmməd Əbrini Belçikada tutulub.
31 yaşlı Belçika vətəndaşı Əbrininin Brüssel hava limanında törədilmiş terror aktında 3-cü şübhəli olduğu da ehtimal olunur.
O, ötən ay Belçikada yaxalanan Salah Abdeslamla birlikdə partlayışda istifadə olunan avtomobillərdən birində görüntülənib.
Xatırladaq ki, 2015-ci il noyabrın 13-də Fransanın “Stade de France” stadionunda Fransa və Almaniya yığmaları arasında yoldaşlıq matçı oynanarkən törədilmiş 7 terror aktı nəticəsində 153 nəfər ölüb.
2016-cı il martın 22-də Belçikanın paytaxtı Brüsseldə aeroportda və metroda baş verən partlayışlar nəticəsində 34 nəfər ölüb, 230 nəfər yaralanıb. (qafqazinfo)
