Hindistanda faciə
Partlayışın gücündən yaxınlıqdakı binalar dağılıb.
Hindistanın cənub-qərbində məbəddə baş vermiş güclü yanğın nəticəsində ölənlərin sayı 100-ü keçib.
Son məlumatlara əsasən 102 nəfər yanğının qurbanı olub, daha 350 nəfər isə yaralanıb.
Qeyd olunur ki, bir neçə yaralı xəstəxanaya yolda dünyasını dəyişib.
Hadisə şahidləri bildiriblər ki, partlayışın gücündən yaxınlıqdakı binalar dağılıb. (oxu.az)
***
Hindistanın Kerala ştatındakı məbəddə güclü yanğın baş verib.
Ölkə.Az Trend-ə istinadən xəbər verir ki, yanğın nəticəsində 80-dən çox zəvvar ölüb, 250 nəfər yaralanıb.
İlkin məlumata görə Kollam şəhərində yerləşən məbəddə baş verən yanğına səbəb dini ayinlərin keçirilməsi zamanı fişənglərin partladılması olub.
Yerli mətbuat hadisə nəticəsində məbədin tamamilə uçduğunu qeyd edir.
Bildirilir ki, polis fişənglərin partlayış təhlükəsi barədə əvvəllər məbəd əməkdaşlarını çağıraraq ondan istifadəni qadağan edib. Görünür sonradan buna əhəmiyyət verilməyib.
