Suriya ordusu rusların köməyi ilə Hələbə hücuma hazırlaşır
Suriya ordusunun hissələri və bu ölkədəki rus hərbçiləri ölkənin ikinci böyük şəhəri olan Hələbi müxaliflərdən almaq üçün hücuma hazırlaşırlar.
Ölkə.az xəbər verir ki, hazırda şəhər "Cəbahat ən-Nusra" qruplaşmasının yaraqlılarının nəzarəti altındadır. Şəhərdəki müxalif mövqelərinə rus aviasiyasının hava zərbələri isə davam edir.
Məlumatlara görə, "Cəbahat ən-Nusra" qruplaşması Hələbi qorumaq üçün şəhər ətrafındakı mövqelərə əlavə 350 yaraqlı gətirib.
Suriya ordusunun rusların dəstəyi ilə Hələbə nə vaxt hücum edəcəyi haqda isə dəqiq məlumat verilmir.
