İstanbulda rus kəşfiyyatının 2 killeri yaxalandı
Türkiyə Milli İstihbarat Təşkilatının əməkdaşları İstanbulda iki rus kəşfiyyatçısını həbs ediblər.
Ölkə.az xəbər verir ki, 2015-ci ilin noyabr ayında İstanbulda İçkeriyanın keçmiş səhra komandirlərindən olan Vahid Edelgiriyevi öldürməkdə ittiham olunan rus casuslar, Yuri Anisimov və Aleksandr Smirnov MİT tərəfindən həbs olunublar.
52 yaşlı Yuri Anisimivun və 55 yaşlı Aleksandr Smirnovun İstanbulda yeni əməliyyat hazırladıqları bildirilir. Əməliyyatın detalları kəşfiyyat məlumatı olduğundan açıqlanmır.
Müşahidə kameralarının araşdırılmasından da məlum olur ki, hər iki rus casus keçən il Türkiyəyə başqa pasportla gəliblər və çeçen səhra komandirini də məhz onlar öldürüblər.
