Ermənilər Rusiya səfirliyini yumurta atəşinə tutdular
Ermənistanın paytaxtı İrəvandakı Rusiya səfirliyi bir qrup radikal millətçi erməninin hücumuna məruz qalıb.
Ölkə.az xəbər verir ki, işğal etdikləri Qarabağda Azərbaycan ordusundan ağır zərbələr yeyən ermənilər bunun günahını Rusiyada görürlər.
Dünən gecəyarı bir qrup erməni ruslar və prezident Putin əleyhinə təhqiramiz ifadələr dolu şüarlar səsləndirərək İrəvandakı Rusiya səfirliyinin qarşısına yığışıblar.
"Qarabağ bizimdir", "Rusiya düşməndir", "Yaşasın azad müstəqil Ermənistan" şüarı səsləndirən kütlə Rusiya səfirliyini yumurta atəşinə tutub. Daha sonra ermənilər Rusiyanı yəhudilərin işğal etdiyi dövlət adlandıraraq səfirliyə "İudanın 30 gümüş pulu"nu simvolizə edən qəpiklər atıblar.
Məlumata görə, polis mitinq iştirakçılarına müdaxilə etməyib. Erməni radikallarının bu gün də Rusiya səfirliyi qarşısında aksiya keçirəcəyi bildirilir.
