"Sputnik-Türkiyə"nin baş redaktorunu ölkədən qovdular
Türkiyə və Rusiya arasındakı informasiya müharibəsi yeni fazaya keçir.
Ölkə.Az xəbər verir ki, Rusiyanın "Sputnik" informasiya agentliyinin Türkiyə bölməsinin baş redaktoru Tural Kərimovu İstanbul hava limanından geri göndəriblər.
Tural Kərimovun sözlərinə görə, Türkiyə hökuməti "Sputnik"in yerli bölməsini bağlayıb və onun akkreditasiyasını da ləğv edib.
Dünən gecə İstanbul Atatürk hava limanına enən Tural Kərimovu gömrük əməkdaşları şəhərə buraxmayıblar və növbəti reyslə geri Rusiyaya yola salıblar.
Xatırladırıq ki, bir neçə gün bundan əvvəl Ankara məhkəməsinin qərarı ilə Türkiyə dövlətinin əleyhinə təbliğat apardığına görə "Sputnik" informasiya agentliyinin Türkiyə bölməsi bağlanmışdı.
