Obama ərəb şeyxləri ilə görüşəcək
Ərəb monarxiyalarının rəhbərləri Obama ilə görüş üçün Ər-Riyada gəliblər.
Ölkə.Az xəbər verir ki, Səudiyyə Ərəbistanının paytaxtı Ər-Riyadda ABŞ prezidenti Barak Obama ilə 6 ərəb ölkəsinin rəhbərinin görüşü keçiriləcək.
Görüşdə Səudiyyə kralı Salman, Küveyt əmiri Əs-Sabah, Katar əmiri Təmim ət-Tani, Bəhreyn kralı Həməd əl-Xəlifə, Ərəb Əmirliklərinin nümayəndəsi Məhəmməd əl-Nəhayən və Omandan isə Fəhd bin-Mahmud iştirak edəcəklər.
Artıq ərəb monarxiyalarının rəhbərlərinin təyyarələrinin Ər-Riyadın Kral Salman hərbi aerodromunda olduğu bildirilir.
Görüşdə son günlər gərginləşən ABŞ-Səudiyyə münasibətləri, Yaxın Şərqdəki konfliktlər və neftin dünya bazarlarındakı qiymətləri müzakirə olunacaq.
