BMT-dən "Qəzzada atəşkəs" çağırışı
BMT Təhlükəsizlik Şurası iyulun 28-də Qəzza zolağındakı vəziyyəti müzakirə etmək üçün təcili toplaşıb.
Nyu Yorkda gecəyarısı başlayan görüşdə İsrail və Fələstinin "Həmas" qruplaşmasını atəşkəsə çağıran qətnamə təsdiqlənib. Təhlükəsizlik Şurasının 15 üzvü tərəfindən razılaşdırılan sənəddə tərəflər Ramazan (Fitr) bayramı ərəfəsində atəşkəsi təmin etməyə çağırılırlar.
Ramazan bayramı bir çox müsəlman ölkəsində iyulun 28-dən qeyd olunur.
İsrail və Qəza zolağına nəzarət edən "Həmas" qruplaşması son iki gündə bir neçə dəfə atəşkəsə razılaşsalar da, bu razılaşmalar uzun çəkməyib. 3 həftədir davam edən döyüşlərdə 1030 fələstinli və 45 israilli əsgərin öldürüldüyü bildirilir./yeni müsavat/
Ölkə.Az
