Davudoğludan atəşkəs açıqlaması
Türkiyə xarici işlər naziri Əhməd Davudoğlu Qəzzada baş verənlərlə bağlı açıqlama verib.
Ölkə.Az-ın ans press-ə istinadən məlumatına görə, Davudoğlu Qəzzada İsrail və Həmas arasında qəbul edilən 12 saatlıq atəşkəs qərarına görə çox məmnun olduqlarını açıqlayıb:
“Müvəqqəti də olsa qarşılıqlı atəşkəsin əldə olunması bizi məmnun etdi”,- deyə nazir qeyd edib.
Atəşkəsin davamlı xarakter alması üçün Parisə getdiyini deyən Davudoğlu orada ABŞ xarici işlər naziri Con Kerri ilə görüşdüyünü də sözlərinə əlavə edib.
Daha sonra Davudoğlu öz Twitter səhifəsində 12 saatlıq atəşkəs zamanı da Qəzza xalqına qarşı yardım fəaliyyətlərini davam etdirəcəkləri barəsində status paylaşıb.
Ölkə.Az
