Obama: \"Putinin NATO və Avropa İttifaqı haqqındakı təsəvvürü yanlışdır\"
ABŞ prezidenti Barak Obama Almaniyanın Hannover şəhərinə gəlib.
Ölkə.Az xəbər verir ki, burada Avropa liderləri ilə görüşən prezident geniş və əhatəli çıxış edib.
Çıxışında geosiyasətdəki proseslərə, qlobal iqtisadiyyatdakı vəziyyətə də toxunan Obama son zamanlar Rusiya ilə NATO bloku arasındakı gərginliyə diqqət çəkib.
Çıxışından sonra jurnalistlərdən birinin ona ünvanladığı "doğrudanmı Putin Avropanı parçalamaq istəyir?" sualına belə cavab verib:
"Ümumiyyətlə Putin NATO və Avropa İttifaqını Rusiya üçün təhlükə mənbəyi sayır. Mən görüşümdə ona demişəm ki, həqiqətən də vahid və inkişaf etmiş Avropa ilə əməkdaşlıq yalnız Rusiyanın xeyrinə olar. Amma təəssüf ki, ona bunu başa salmaq və onun fikrini dəyişmək mümkün olmayıb".
