Separatçıların lideri etiraf etdi

Şərqi Ukrayna separatçılarının liderlərindən biri olan Aleksandır Xadakovski onların tabeçiliyində “Buk” zenit raket kompleksinin olmasını bildirib.

Ölkə.Az-ın avropa.info-ya istinadən verdiyi xəbərə görə, bunu “Reuters” agentliyinin müxbirinə verdiyi müsahibəsində Xadakovski deyib. 

Qeyd edək ki, Malayziya sərnişin təyyarəsi də məhz bu raket kompleksi ilə vurulub. 

Aleksandır Xadakovskinin sözlərinə  görə, Malayziya hava yollarına aid olan sərnişin təyyarəsi vurulan zaman  “Buk” raket kompleksi Luqans şəhərindən onların tabeçiliyinə göndərilib.  Təyyarə də məhz bu an vurulub. 

Separatçıların rəhbəri təyyarənin onlar tərəfindən vurulduğunu istisna etməyə çalışıb. 

Qeyd edək ki,  dünən separatşılar Ukrayna səmasında daha 2 təyyarə vurublar. Təyyarələrin  “BUK” raket kompleksi ilə vurulduğu iddia olunmaqdadır.

Ölkə.Az