Fələstindən dəhşətli görüntülər
Fələstində İsrail ordusunun Qəzzaya qarşı həyata keçirdiyi əməliyyatların yeni videosu yayılıb.
Ölkə.Az-ın anspress-ə istinadən məlumatına görə, video binanın partladılmasından sonra baş verən çəkilişdir. Çəkilşdə partlayışdan qəlpə yarası alan gənc oğlanın silah səsləri eşitdikdə durub qaçmağa çalışması uğursuz alınır. Belə ki, ordu tərəfindən istiqamətli atəş nəticəsində qaçmaq istəyən gənc ayağından yaralanır və sümüyü sınır. Yaralı həmyerlilərinin dəstəyi ilə qırmızı xaç və qırmızı aypara maşınları olan bölgəyə çatdırılır və təcili tibbi maşınla götürülür.
Qeyd edək ki, "Qoruyucu xətt" adı altında 7 İyulda Qəzzanı havadan vurmağa başlayan İsrail ordusu, 17 İyul Cümə axşamı qurudan hücuma keçib.
Hücumların başladığı gündən bu yana artıq Qəzzada 700 adam həyatını itirib, 5 minə yaxın insan yaralanıb.
Ölənlərdən 162-sinin uşaq, 78-nin isə qadın olduğu bildirilir.
Ölkə.Az
