Estoniya Rusiya ilə sərhəddinə beton sədd çəkir
Baltikyanı regionda NATO ilə Rusiya arasında getdikcə artan gərginlik Estoniyanı təcili tədbirlər görməyə vadar edib.
Ölkə.Az xəbər verir ki, Estoniyanın daxili işlər naziri Hanno Pevkur ölkəsinin Rusiya ilə sərhədinə beton divar çəkiləcəyini bildirib.
"Rusiyadan təhlükəni azaltmaq üçün bu ölkə ilə quru sərhədimizə yüksək texnologiya ilə təchiz olunmuş sədd çəkiləcək. Təxmini hesablamalara görə, səddin çəkilməsinə ümumilikdə 70 milyon avro vəsait xərclənəcək. Bu beton divarın 2018-ci ildə, Estoniya Respublikasının 100 illik yubileyinə qədər hazır olması planlaşdırılır", deyə eston nazir bildirib.
