Brüssel aeroportu terror aktlarından sonra yenidən işləməyə başlayıb
Bu gün Brüsselin "Zaventem" hava limanının uçuş zalı martda törədilən terror aktlarından sonra yenidən öz işini bərpa edib.
Aeroportun direktoru Arno Feystin məlumatına görə, açılış mərasimi məlum mart hadisələrindən 40 gün sonra baş tutub. O, hava limanının iyun ayının ortalarında tam gücü ilə işləyəcəyinə ümid etdiyini bildirib.
Xatırladaq ki, martın 22-də Brüsselin "Zaventem" aeroportunda və "Malbek" metro stansiyasında baş verən güclü partlayışlar nəticəsində 32 nəfər həyatını itirib.
Terror aktlarına görə məsuliyyəti İŞİD terror qruplaşması öz üzərinə götürüb.
