Rus jurnalistləri Estoniyaya buraxmadılar
Rusiyanın dövlət teleradio şirkətinin çəkiliş qrupunu Estoniyaya buraxmayıblar.
Ölkə.Az xəbər verir ki, Estoniya sərhədçiləri "Rossiya" kanalının jurnalisti Yekaterina Fisenkonu, operatoru və videomühəndisi keçid məntəqəsində saxlayaraq onların pasportlarını annulyasiya ediblər.
Məlumata görə, "Rossiya" kanalının çəkiliş qrupu Estoniyadakı Vızu qəsəbəsindəki "Böyük vətən müharibəsinin gəmilərinə baş əyirik" adlı ekspedisiyanın iştirakçılarını çəkmək üçün bu ölkəyə gedirmişlər.
Xatırladırıq ki, həmin ekspedisiya Baltik dənizində İkinci dünya müharibəsi illərində batmış gəmilərin axtarışı ilə məşğuldur.
