Lavrov Türkiyəni yenə qınadı
“Suriyada atəşkəs rejimi təhlükədədir”.
Bu barədə BMT-nin Suriya üzrə xüsusi nümayəndəsi Stefan De Mistura Rusiya Xarici işlər naziri Sergey Lavrovla birlikdə keçirdiyi mətbuat konfransında bildirib.
“Mən özümdə cəsarət taparaq BMT Təhlükəsizlik Şurasının əsas sponsorları – Rusiya Federasiyasının və ABŞ-ın həmsədrlərini Suriyadakı atəşkəsin təhlükədə olduğuna inandıra bildim”, - deyə Mistura söyləyib.
Lavrov isə öz növbəsində bildirib ki, münaqişənin həlli ilə bağlı yeni sxem qurulmayacaq: “Çünki “yol xəritə”sinin bütün parametrləri artıq razılaşdırılıb və BMT-nin Təhlükəsizlik Şurası tərəfindən təsdiq olunub. Bu, hərbi əməliyyatların dayandırılması məsələsinə, Suriyanın bütün ərazisində humanitar yardımlara da aiddir”.
Rusiya XİN rəhbəri Türkiyə tərəfinəı də mesaj göndərib: “Rusiyanı Suriyanın Türkiyə tərəfdən atəşə tutulması, eləcə də orada quru əməliyyatlarının aparılmasının təklif olunması narahat edir. Biz əminik ki, bu cür müraciətlə münaqişənin həll olunmasında marağı olmayan tərəflər çıxış edir”. ( qafqazinfo)
