Rus mətbuatı Ərdoğan-Davudoğlu münasibətini belə işıqlandırdı
Ölkə.Az-ın məlumatına görə, az öncə vəzifəsindəən istefa verəcəyini və keçirələcək növbədənkənar konqresdə yenidən namizədliyini açıqlamayacağını bəyan edən Türkiyə baş naziri və AKP sədri Əhməd Davudoğlunun istefası rus mətbuatının da diqqət mərkəzində olub.
Ərdoğanla münasibəti soyuq olan Putinin mətbuatı isə Türkiyə siyasətindəki bu böhranı belə təqdim edib.
Ria Novosti": Türkiyə baş naziri vəzifəsindən azad edildi.
"Türkiyədə iqtidar partiyası olan AKP yaxın vaxtlarda növbədənkənar qurultaya gedəcək. Türkiyənin hazırkı baş naziri bu dəfə namizəd olmayacaq. Növbədənkənar qurultay keçirmək qərarı dünən prezident Rəcəb Tayyib Ərdoğan ilə baş nazir Əhməd Davudoğlunun görüşü vaxtı qərara alınıb".
"Exo Moskva": Əhməd Davudoğlu yaxın vaxtlarda kreslonu tərk edir
"Türkiyə prezidenti Rəcəb Tayyib Ərdoğan ilə baş nazir Əhməd Davudoğlunun dünən təxminən 2 saat davam edən görüşünün ardından Davudoğlunun vəzifədən gedəcəyi xəbərləri yayılmağa başladı. AKP-nin yaxın zamanda növbədənkənar qurultayı keçirəcəyi bildirilib".
"İtar-Tass": AKP may ayının sonunda qurultay keçirəcək
"AKP may ayının sonunda yeni sədrini seçmək üçün növbədənkənar konqres keçirəcək. Türkiyənin baş naziri Əhməd Davudoğlu namizəd olmayacağını bildirib".
"Rossiyskaya Slujba Novostey": Ərdoğan Davudoğlunu vəzifədən çıxarır
"Türkiyə prezidenti Rəcəb Tayyib Ərdoğan baş nazir Əhməd Davudoğlunu vəzifədən çıxarır. Bunun səbəbi onların münasibətlərindəki soyuqluqdan irəli gəlir.".
"Vedomosti": Türkiyə baş naziri iki həftə ərzində vəzifəsini təhvil verir
"Türkiyə baş naziri Əhməd Davudoğlu may ayının sonunda keçirilməsi planlaşdırılan növbədənkənar qurultayda vəzifəsini itirir".
