Rusiyada orta asiyalılardan ibarət daha bir dəstə zərərsizləşdirilib
Rusiyanın Federal Təhlükəsizlik Xidməti ölkənin Krasnoyarsk şəhərində daha bir radikal qrupu zərərsizləşdirib.
Ölkə.Az xəbər verir ki, FTX Krasnoyarskda Orta Asiya respublikalarından gəlmiş bir qrupu yaxalayıb.
Həbs edilən şəxslərin Krasoyarsk şəhərində terror aktları törətmək istədikləri bildirilir.
Hazırda həbs olunanlar FTX-nin yerli idarəsində dindirilirlər.
Qeyd edək ki, dünən Moskvada da orta asiyalılardan ibarət bir qrup şəxs saxlanılmışdılar. Onların 9 may paradı zamanı Rusiya paytaxtında terror aktları həyata keçirmək istədikləri deyilir.
