Prezident təyyarəsinin olduğu aerodrom terror təhlükəsinə görə bağlandı
ABŞ prezidentinin də təyyarəsinin olduğu "Endryus" hərbi bazası terror təhlükəsi səbəbindən müvəqqəti bağlanıb.
Ölkə.Az xəbər verir ki, bu haqda aviabazadan məlumat verilib.
"Bu gün səhər saatlarında bazanın buraxılış məntəqəsinə gələn bir naməlum qadın üzərində partlayıcı maddənin olduğunu bildirib. Məntəqəyə gələn xüsusi qrup qadını zərərsizləşdirib və məlum olub ki, qadının üzərində bomba yoxdur", hərbi bazadan verilən yazılı açıqlamada belə deyilir.
Xatırladırıq ki, həmin vaxt adı çəkilən aviabazada prezident Obamanın xidməti təyyarəsi də olub.
