ABŞ Aralıq dənizində genişmiqyaslı təlimlərə başlayır
ABŞ başda olmaqla 11 ölkənin hərbi dəniz qüvvələrinin iştirakı ilə Aralıq dənizində genişmiqyaslı təlimlər başlayır.
Ölkə.Az xəbər verir ki, bu haqda ABŞ-ın Aralıq dənizindəki 6-cı donanmasının qərargahından məlumat verilib.
Hərbi dəniz təlimlərində ABŞ-la yanaşı Türkiyə, Əlcəzair, Yunanıstan, Misir, İspaniya, İtaliya, Mavritaniya, Mərrakeş, Malta və Tunisin hərbi gəmiləri iştirak edəcək.
Təlimlər 17-27 may tarixləri arası baş tutacaq və 10 gün davam edəcək.