Ukrayna Rusiya ilə diplomatik əlaqələri kəsəcək?
Ukrayna Rusiya ilə diplomatik əlaqələri kəsməyi nəzərdən keçirir.
Musavat.com-un məlumatına görə, bunu Ukrayna prezidenti administrasiyasının rəhbəri Valeri Çalıy bugünkü brifinqdə “Kiyev niyə Moskva ilə diplomatik əlaqələri kəsmir” sualına cavab verərkən söyləyib.
“Hesab edirəm ki, biz bu və ya başqa dövlət qərarlarından alacağımız nəticələri başa düşməliyik. Hazırda bütün variantlar nəzərdən keçirilir. Təkcə bu variant deyil. Ancaq hər bir şey vaxtında, effektli və məhsuldar olmalıdır. Ukrayna hökuməti bu variantı və həmçinin, onun nəticələrini də öyrənir”, - deyə Çalıy qeyd edib.
Bununla belə hakimiyyət rəsmisi problemin həllinin hələ ki, başqa yollarının da qaldığını deyib.
Olke.az
