Futbolçu ailəsinin gözü önündə güllələnib
Argentinalı futbolçu Rodriqo Espindola Buenos-Ayres əyalətinin Monte-Qrande şəhərində yerləşən evi yaxınlığında qarətə cəhd zamanı qətlə yetirilib.
Ölkə.Az report.az-a istinadən bildirir ki, polis cinayətin cümə axşamı gecə törədildiyini bildirib.
"La Nacion" nəşrinin yazdığına görə, "Nueva Chicago" klubunun müdafiəçisi evinə yaxınlaşarkən quldurların hücumuna məruz qalıb. Espindola həyat yoldaşı və altıaylıq körpəsinin gözü önündə güllələnib.
Qarın nayihəsindən yaralanan 26 yaşlı futbolçu hospitala çatdırılsa da, onun həyatını xilas etmək mümkün olmayıb.
