Rusiya Olimpiadada iştirakdan məhrum edilə bilər
Almaniya Rusiyanın Olimpiadada iştirakdan məhrum edilməsini təklif edib.
Ölkə.Az xəbər verir ki, Almaniyanın idman funksionerləri Rusiyanın Rio-de-Janeyroda keçiriləcək Yay Olimpiya oyunlarında iştirakdan məhrum edilməsini təklif ediblər.
Bu təklifi Rusiyadan olan idmançıların aktiv şəkildə dopinqdən istifadə etmələri ilə bağlayırlar.
"Bu çox ciddi ittihamdır. Əgər Rusiyada dopinqdən istifadə belə sistematik xarakter daşıyırsa, onların Riodakı Olimpiya oyunlarında iştirakı məqsədəuyğun deyil və hətta idman qanunlarına ziddir" - Almaniyanın Yüngül Atletika Federasiyasının prezidenti Klemens Prokop belə deyib.
