Ərəb Liqası Qahirədə fövqəladə toplantı keçirir

Ərəb dövlətləri birliyi Qəzza üçün toplandı

Misirin paytaxtı Qahirədə Ərəb dünyasının Xarici İşlər nazirlərinin fövqəladə toplantısı keçirilib.

Toplantıda iştirak edən Qətər Qəzzada baş verən hadisələrin qarşısının alınması üçün burada liman tikilməsini təklif edib. Limanın inşası üçün Səudiyyə Ərəbistanı 53 milyon, Küveyt isə 10 milyon dollar təmənnasız vəsait ayıracağını bildirib.

Qeyd edək ki, İsrailin Qəzzaya hücumlarının qarşısının alınması məqsədi ilə təşkil olunan təcili toplantıda Küveyt, Qətər, Səudiyyə Ərəbistanı, BƏƏ və Misir Xarici İşlər nazirləri iştirak edib.

Onu da bildirək ki, Qətər tərəfindən verilən təklifə görə, liman yaradılarsa, bölgədə sülh, iqtisadi inkişaf təmin ediləcək. Bununla da Fələstinin, 1967-ci sərhədlərinə qaytarılma məsələsi gündəmə gələ bilər.

Ərəb Birliyinin Baş katibi Nəbil Ərəbi isə Ərəb Birliyi Xarici İşlər nazirlərinin, Fələstin Dövlət başçısı Mahmud Abbasın Fələstin torpaqlarının və xalqının qorunması tələbilə BMT-yə müraciət edilməsi fikrini dəstəklədiyini söyləyib.

BƏƏ Xarici İşlər naziri Qabbaş isə İsrailin fələstinlilərə qarşı hücumlarını araşdırmaq üçün komitə qurulmasını tələb edib.

Olke.az