Poroşenko Camalaya “Xalq artisti” adını verdi
Ukraynanın “Eurovision-2016” təmsilçisi Camala (Susanna Camaladinova) prezident Petro Poroşenko tərəfindən mükafatlandırılıb.
Camalaya “Ukraynanın xalq artisti” titulu verilib.
“Bu, fantastik qələbədir. Sən insanların böyük əksəriyyətini xoşbəxt etdin”, - deyə prezident Camalanı təltif edib. Bu barədə prezidentin mətbuat xidməti məlumat yayıb.
P. Poroşenko Xarici İşlər Nazirliyinə Camalanın YUNİSEF-in (BMT-nin Uşaq Fondu) xoşməramlı səfiri təyin olunması ilə bağlı da tapşırıq verib.
Qeyd edək ki, Camala “1944” adlı mahnısı ilə 534 səslə “Eurovision” müsabiqəsində ilk yerdə qərarlaşıb. (qafqazinfo.az)
