İranın məşhur modelyerləri həbs olundu
İranda əxlaq polisi hicabla olmayan fotolarını "Instagram" profillərindən paylaşdıqları üçün 8 model qızı həbs edib.
Ölkə.Az xəbər verir ki, "Spider-2" adı verilən xüsusi əməliyyatla çadrasız və başları tamamilə açıq fotolar paylaşan modellərdən səkkiz nəfəri saxlanılıb. Polis orqanı həmçinin sosial şəbəkələrdə hicabsız fotolar paylaşan 170 qadının şəxsiyyətini aydınlaşdırmağa çalışdıqlarını da qeyd edib.
Həbs edilənlər arasında "Instragram"da 638 min izləyicisi olan makiyaj ustası və model Elnaz Gülrux və ölkəsinin tanınmış modeli Nilufər Behbud da var.
İranın ən məşhur gəlinlik modellərindən biri olan Elham Arab bir müddət öncə qərbdəki azad həyatı dəstəklədiyi üçün İran məhkəməsi tərəfindən mühakimə olunur. Arab məhkəməyə zalına başıörtülü şəkildə gəlmişdi.
Qeyd edək ki, İranda "Instragram", "Facebook", "Twitter" və "Youtube" da daxil olmaqla populyar sosial şəbəkələrin əksəriyyətinə molla rejimi tərəfinfən giriş qadağan olunsa da, iranlılar "DNS" nömrələrini dəyişərək bu qadağanı pozurlar.
