Amerikanın Men ştatına meteorit düşdü
Parlaq iz videokameralar tərəfindən qeydə alınıb.
Amerikanın Men ştatının şimali-qərb hissəsində meşə sahəsinə kiçik meteorit düşüb.
Ölkə.Az oxu.az-a istinadən xəbər verir ki, səma cisminin düşməsini Nyu-York, Men, Vermont, Nyu-Hempşir və Rod-Aylend ştatlarında 400-ə yaxın insan izləyib.
Onun səmada buraxdığı parlaq iz Vermont ştatının Berlinqton aeroportunun videokameralarına düşüb.
Meteoritin ölçüsü, çox güman ki, onlarla santimetr olub. Men ştatının Mineroloji muzeyi meteoritin bir kq-dan az olmayan parçasını gətirənə 20 min dollar mükafat verəcəyini elan edib.