İranın ali dini lideri Xamneyinin İmam Mehdi ilə əlaqəsi var

İranın din alimlərindən olan Ayətullah Şirazi ölkənin ali dini rəhbəri Ayətullah Əli Xamneyinin axır zamanda zühur etməsi gözlənlən Həzrət İmam Mehdi ilə əlaqə saxladğını iddia edib.

Ölkə.Az xəbər verir ki, İranın jamkaran.ir xəbər saytının yaydığı məlumata görə, Qum şəhərində keçirilən beynəlxalq konfransda çıxış edən ayətullah Şirazi konfransın təşkil edildiyi Cəmkəran Məscidində Xamaneyinin Həzrəti Mehdi ilə yaxından əlaqə saxlaması faktını ali dini liderin böyük uğurunun dəlili kimi qiymətləndirib.

"Biz zamanını dəqiq demirik, lakin Mehdinin zühurunun çox yaxın zamanda baş verəcəyinə ümidvarıq",- deyə Şirazi bildirib.

Xatırladırıq ki, İranda yaşayan Cəfərilər Mehdinin qiyamət qopmasına az qalmış zühur edəcəyinə inanırlar.

Dünyada xaos və müharibələrin artması Mehdinin zühurunun əlaməti kimi qəbul olunur. Cəfəri təriqətinə inanan dindarlar Qum və Kaşan şəhərləri arasındakı Cəmkəran kəndi yaxınlığında yerləşən Cəmkəran Məscidini Həzrəti Mehdi ilə əlaqə saxlanılan müqqədəs məkan hesab edirlər.

İlhamə
Ölkə.Az