NATO-nun baş katibi: "Avropada möhkəmlənməyimiz Rusiyanın aqressiyasına cavabdır"
"NATO-nun şərq qruplaşmalarının möhkəmlənməsi potensial düşmənləri müttəfiqlərimizə hücum fikrindən daşınmağa məcbur edir"
Ölkə.Az xəbər verir ki, bu sözləri NATO-nun baş katibi Yan Stoltenberq deyib.
O, bildirib ki, Şərqi Avropa və Baltikyanı ölkələrdə alyansın hərbi qruplaşdırmalarını gücləndirməsi Rusiyanın aqressiv hərəkətlərinə verilən cavabdır.
"Biz hərbi varlığımızı artıraraq NATO üzvü olan bütün dövlətlərin təhlükəsizliyini təmin edirik və onlara təhdid yaradan potensial düşmənə mesaj veririk ki, bütün müttəfiqlərimiz etibarlı qoruma altındadırlar", deyə NATO-nun baş katibi vurğulayıb.
