ABŞ Vyetnama silah satışına qoyulan qadağanı ləğv edir

ABŞ prezidenti Barak Obama Vyetnama silah satışına qoyulan qadağanın ləğv edildiyini bəyan edib.

Bu barədə Ölkə. Az Assoşeyted Press agentliyinə istinadən məlumat verir. Obama bu bəyanatı Vyetnam Sosialist Respublikasına səfəri zamanı səsləndirib.

Xatırladırıq ki, bu günə qədər ABŞ Vyetnama silah satmayıb.

Mayın 20-də Amerika prezidentinin xarici siyasət üzrə müşaviri Ben Rods bildirmişdi ki, Vaşinqton hələlik Vyetnama silah satışına qoyulan embarqonun ləğv edilmsi barədə qərar qəbul etməyib. Ağ Ev rəsmisinin sözlərinə görə, bu məsələyə "daha geniş münasibətlər kontekstində" nəzər salınacaq. O, Vaşinqtonun Vyetnamda insan hüquqlarının qorunması problemini diqqətdə saxladığını qeyd edib.

Daha öncə ABŞ Milli Təhlükəsizlik İdarəsinin Asiya üzrə baş direktoru Daniel Kraytenbrink silah satışına qoyulan embarqo məsələsinin müzakirəsi zamanı jurnalislərə bildirimişdi ki, dənizdə təhlükəsizliyin təmin edilməsi məqsədi ilə bəzi silahların satılmasına imkan yaratmaq üçün ABŞ 2014-cü ildə bu qadağanı qismən aradan qaldırıb.

İlhamə
Ölkə.Az