Medvedevin Krım səfərinə Kiyevdən

Ukrayna XİN Dmitri Medvedevin Krıma səfəri ilə bağlı etirazını bildirib

Ukrayna Xarici İşlər Nazirliyi Rusiyanın baş naziri Dmitri Medvedevin Krıma işgüzar səfəri ilə bağlı etirazını bildirib.

Bu barədə Ölkə.Az "RİA Novosti" agentliyinə istinadən məlumat verir.

Ukraynanın xarici siyasət idarəsi Rusiya XİN-ə bununla bağlı müvafiq nota göndərib.

Qeyd edək ki, Rusiyanın baş naziri mayın 22-dən Krımda səfərdədir. O, yarımadada "Yedinaya Rosiya" (Vahid Rusiya) partiyasına ilkin səsvermə prosedurunu müşahidə edib və bir-neçə iclas keçirib.

Ukrayna Rusiyanın rəsmi şəxslərinin Krıma səfərləri ilə bağlı müntəzəm olaraq öz etirazını bildirir. Ölkənin Xarici İşlər Nazirliyi təkidlə qeyd edir ki, bu səfərlər rəsmi Kiyevlə razılaşdırılmalıdır. Mart ayında Vladimir Putinin Krıma səfəri də ukraynalı diplomatların qəzəbinə səbəb olmuşdu.

Krım və Sevastopol 2014-cü ilin mart ayında keçirilmiş referendum nəticəsində Rusiyanın tərkibinə daxil edilib. Ukrayna əvvəlki kimi Krımı öz ərazisi hesab edir və onun Rusiya tərəfindən işğal olunduğunu bildirir.

İlhamə
Ölkə.Az