\"2050-ci ilə qədər dünyada miqrantların sayı 250 milyon nəfərə çata bilər\"

Ölkə.Az xəbər verir ki, BMT-nin baş katibi İstanbulda şəhərlərdə miqrasiya problemi mövzusunda müzakirələrdə iştirak edib.

"2050-ci ilə qədər dünyada miqrantların sayı 250 mln. nəfərə qədər artacaq. Bu qaçılmaz gerçəkdir, buna görə də indidən resurlar hazırlamalı və imkanlar formalaşdırmalıyıq",- deyə BMT-nin baş katibi bildirib.

"Şəhər merlərinin iclası: Şəhərlərin miqrasiyaya cavabı" mövzusunda müzakirələrdə çıxış edən Pan Gi Mun qeyd edib ki, qaçqın amili dövlətin inkişaf startegiyası və ayrı-ayrı şəhərlərin planları tərtib edilərkən mütləq şəkildə nəzərə alınmalıdır.

"Beləliklə, miqrantlar üçün zəruri şərait yaradıla bilər. Qaçqınlar şəhərlərin inkişafında rol oynayan amillərdəndir",- deyə o əlavə edib.

Pan Gi Mun bu gün Türkiyənin milyonlarla qaçqına sığınacaq verdiyini, onlar üçün təhsil, mənzil və tibbi xidmətlərdən istifadə imkanlarının yaradıldığını diqqətə çatdırıb. O, göstərdiyi humanitar yardıma görə Türkiyəyə təşəkkürünü bildirib.

İlhamə
Ölkə.Az